Glantacháin Clean Ups

Lá Mór Glantacháin / Glantachán Náisiúnta Earraigh 2019

Ba mhaith leis an ghrúpa timpeallachta Meas Iarthuaisceart (www.meas-it.com) buíochas mór a ghabháil le achan duine a chuidigh ar dhóigh ar bith leis an bhrúscar a thógáil ó na bealtaí móra i gceantar /bpobal / bparóiste Ghort a' Choirce ar an Satharn 13ú Aibreán. Tá an ceantar tuaithe s'againn ag amharc i bhfad níos glaine dá bharr. Líonadh an scipe bruscair a chur an comhairle contae ar fáil dúinn thar ceann an Glantachán Náisiúnta Earraigh. Siad na hearraí is mó a tógadh ná buidéil phlaisteach agus rapair phlaisteach ó mhilseáin agus ó bhrioscáin phrátaí. Bhí neart bocsaí toitíní folamha agus bunanna toitíní tógtha fosta chomh maith le coimeádáin bia ó bhialanna bia gasta/mearbhia. Bheadh sé ina chuidiú don timpeallacht agus do na glúnta atá ag teacht inár ndiaidh dá ndéanfaí réitigh a fháil do bhrúscar go freagrach in áit bheith a chaitheamh amach as fuinneogaí gluaisteáin. Leis an áit a choinneáil glan i rith na bliana bheadh sé fosta ina cuidiú dá ndéanfadh achan duine súil bheag a choinneáil ar a mbealach féin chóir baile agus brúscar ar bith a bhíonn air a thógáil. Is linn uilig an timpeallacht agus tá dualgas agus freagracht ar achan saoránach agus ar achan duine daonna an timpeallacht - ár dtír s'againn, a choinneáil slán sábháilte agus a chaomhnú daofa siúd atá ag teacht inár ndiaidh.

---

Beidh Lá Mór Glanadh na mBealtaí i gceantar Chloich Cheann Fhaolaidh ar an Satharn an 13ú Aibreán 2019 ar 1.00in.

Fáilte mhór roimh an phobal uilig bheith páirteach linn. Bíodh miotógaí agus casóg/veist sofheicthe ort.

Málaí ag na pointí seo leanas:

• Corradh Smóláin,
  
• An Phanc i nGort a' Choirce
  
• Teach Ruairí
  
• Corradh Mhéidgí,
  
• An bialann ar An Ardaí Bheag,
  
• Scoil Chnoc na Naomh, Doire Chonaire
  
• Scoil Naomh Dubhthach, Machaire Rabhartaigh

Más mian leat do chuid málaí athchúrsáilte féin a úsáid agus píosa glanadh a dhéanamh ar lá inteacht roimh an Lá Glantacháin bheadh sin ina chuidiú mhór fosta. Ar an Lá Glantacháin, fág málaí líonta ag na pointí thuas nó ar na príomhbhealtaí agus cuir scairt ar Cordelia; 087-6111524 nó Mary; 086-8460764 le tógáil na málaí a shocrú.

A eagrú ag an grúpa comhshaoil MEAS Iarthuaisceart (www.meas-it.com) in éineacht leis an Glantachán Náisiúnta Earraigh.

Bheadh sé deas dá ndéanfadh achan duine iarracht a gceantar féin thart fán teach agus na bealtaí chóir baile daofa a choinneáil saor ó bhruscar. Coinnigh leis i rith na bliana agus beidh bród ort nuair a fheiceas tú toradh do chuid oibre. Tá tír ghalánta againn agus, mar sin, dualgas orainn uilig meas agus aire a thabhairt dár gceantar féin - dúinn féin agus do na glúnta atá ag teacht inár ndiaidh.

Tá do rannpháirtíocht sa ghlanadh ar do phriacal féin. Comhlánaigh an fhoirm seo Deimhniú Lá Glantacháin An Taisce agus seol ar ríomhphost chuig eolas@meas-it.com